ANTF police station-ko CM nokdonggae on•a

Shillong, Dec 17: Meghalaya a•doko drugs ba pekatgipa sam jakkalaniko aro badingsrukaniko warachakna gita Mongolbar salo, Meghalaya a•dokni Chief Minister Conrad K Sangma, Anti-Narcotic Task Force (ANTF) Police Station-ko Shillong songjinmani Golf Link-o donggipa MPRO Office Building-o nokdonggae on•angaha.

Ia ANTF police station-ko nokdonggae on•anganio a•dokni Chief Minister, tom•anio bak ra•giparangna aganprakengon, ia salara police department aro a•dok sorkarina gisik ra•beani sal ong•gen aro ia gital police station-ara, a•doko drugs jakkalaniko aro badingsrukaniko warachakanio mongsonggipa kamko ka•anggen ine parakataha.

Ia police station-ko sorkarini dongimin nisan gita Krismasna skangan matchotna man•ahani gimin ua, a•dokni Deputy Chief Minister Prestone Tynsong, Director General of Police (DGP) Idashisha Nongrang aro East Khasi Hills a•jani Superintendent of Police (SP) Jagpal Singh Dhanoa-koba mittelpilangaha.

Drugs jakkalaniko department ge•sanchide warachakna man•jawa ine janapatengon, ia kamo police, health aro social welfare department-rangba jak on•pana nanggen ine Sangma aganenba, a•doko drugs jakkalaniko bon•atna kam ka•anio a•doko songdongenggipa manderangko, dingtang dingtang jatni dilgiparangko aro dingtang dingtang gittimni manderangkoba bakrimchina mol•molataha.

Drugs jakkalaniko aro badingsrukaniko warachakanio Chief Minister-ni dilanichi Dream Coordination Committee-ni ning•o tom•anirangko ong•atjringgen ineba Sangma aganaha.
Ia ANTF Police Station-ko nokdonggaanio, a•dokni Deputy Chief Minister Prestone Tynsong, Social Welfare Minister Paul Lyngdoh, Health Minister, DGP Idashisha Nongrang, ANTF-ni SP Jagpal Singh Dhanoa aro dingtang dingtang official-rangba dongpae bak ra•angaha.

Na·simang ia video-koba nina man·gen:

Na·simang iakoba poraina man·gen: Bilsi 16 ong•gipa me•chik bi•sako jinma til•ekgrimanio jak donggipa sak 5 manderangko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post ANTF police station-ko CM nokdonggae on•a appeared first on Hub News.