Tura-o Republic Day-ko manianio a·dokni CM nisanko badale on·a; Gital ramarangna cr 2500-na baten chama: Conrad

Tura, Jan 26: Robibar salo, chang 76-gipa Republic Day-ko Tura-o manianio, Meghalaya a·dokni Chief Minister Conrad K Sangma, mongsonggipa sokgipa ong·e a·songni nisanko badale on·angaha aro ia manianio ua jinmana aganprakangengon, Meghalaya a·dokni namroro silroroaniona re·mikkangenggipa chasongni gimin aganangaha.

2028 bilsini gisepo a·dokni GDP-ko changgni bariate 10 billion UD dollar economy ong·atani bidingo janapangengon, ia nisanko chu·sokatna a·dok re·mikkangenga aro dingtang dingtang kamrangna bang·bea tangka paisarangko koros ka·enga ine Chief Minister parakataha.

Meghalaya a·dokni GDP, 2015 bilsio gong crore 23,235-oni 2024 bilsio gong crore 53,057-ona tang·doangaha ine janapatengon, a·doko rama jal·lang, nok rikani, chirangko sokate on·ani, bijoliko on·ani, tourism aro IT-ni kamrang namroro silrorona man·engaha aro batanggimin bilsi bongani gisepo km 2,500-na baten PMGSY ramarangko a·doko rikaha ine Chief Minister aganaha.

Shillong airport-oni dal·dalgipa sildorengrangko bilatna gita sorkari, airport-ko dal·batatna kam ka·enga ineba ua aganaha.

Rama jal·langrangko nambatatani bidingo janapangengon, batanggimin bilsignini gisepo, kilometre 568 ong·gipa ramarangko tarina sorkari, tangka paisarangko chamataha aro Shillong-Dawki baksana Tura-Dalu ramarangkoba da·o tariengaha ine Chief Minister aganaha.

Pynursla bypass-na gital biapko tik ka·manaha ine u·iatengon, Shillong Western Bypass, Mawlyngkhung-oni Panchgram-ona high-speed corridor-ko tarina miksongenggipa project-rangkoba sorkari ra·chakmanaha ine Chief Minister parakataha.

Meghalaya a·doko rama jal·langrangko tarianirang namenga ine nikenba adita salrangna skangsan, ma·mong sorkari, rama jal·langrangko nambatatna gita gong crore 2500 ong·gipa Mega Project-ko ra·chakangaha ine parakatengon, ia project-ni ning·o km 300-na baten ramarangko tarigen aro ian ‘Mission 10’-ko chu·sokatani mingsa bak ong·gen ine Chief Minister aganaha.

Na·simang ia video-koba nina man·gen:

Na·simang iakoba poraina man·gen: Skotong Minister, Dr. Milton S Sangma-na lakh 5-ko on•gen ine parakata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Tura-o Republic Day-ko manianio a·dokni CM nisanko badale on·a; Gital ramarangna cr 2500-na baten chama: Conrad appeared first on Hub News.