SSA skigiparangni jingjengatna manchianiko ra•galpila

Shillong, Dec 16: Meghalaya a•doko SSA skigiparangni dingtang dingtang nangnikani aro neng•nikanirangko namatchina gita a•dok sorkari baksa agangrikangkuna miksonge, Meghalaya SSA Schools Association (MSSASA)-ni jingjengatna manchianiko Sombar salo ra•galatpilaha.

Iani bidingo kobor ra•timgiparangna talataniko on•angengon, November-ni 18 aro December-ni 4 tariko apsan asonge agangrikna sorkari okamahani gimin Sombar salo, uamang Jaiaw-o donggipa Students Field-o tom•e chanchirimenba, uamangni jingjengatna manchianiko ra•galatpilaha ine MSSASA-ni president Aristotle C Rymbai parakataha.

2020 bilsini July 1 tarik ba una skang kam ka•sogimin pilak SSA skigiparangkon, Meghalaya Teachers’ Eligibility Test (MTET)-oniko watchina uamang sorkariko mol•molna tik ka•angaha ineba Rymbai aganaha.

Meghalaya a•doko SSA skigiparangni kamko naljokatna gita niamko ra•gatan baksana skigiparangni dingtang dingtang nangnikanirangko agangrikna gita empowered committee-ko songchina gitaba MSSASA, a•dok sorkario dabiangaha.

Ia committee-o Law, Personnel, Finance, Planning aro Education department-ni official-rang baksana MSSASA-ni membor-rangba bak ong•na nanga ineba Rymbai aganaha.

Na·simang ia video-koba nina man·gen:

Na·simang iakoba poraina man·gen: Skotong Minister, rama a•sel ong•anio saknaa man•gipa mandena dakchakaniko on•a convoy-rangko neng•takata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post SSA skigiparangni jingjengatna manchianiko ra•galpila appeared first on Hub News.