Assam-ni Tengakhat jolo chi bananichi aro a•a ruronganichi neng•nikaniko man•enga

Dibrugarh, Dec 17: Ia bilsini gisepo, Assam a•dokni Dibrugarh a•jao donggipa Tengakhat jolrango chirang bananichi bang•a songrangan neng•nikanirangko chagrongna nangtokaha.
Mikkarang dontonggija waanganichi Brahmaputra chibimani Buri Dehing chiring ditdobaenba adita kontarangni gisepon komibeoba dam 40 songrangko chi banangaha aro uandaken songni manderang, administration-ni kulie on•gipa relief camp-rangosa ma•chakna nangtokaha.

Iandake chi bananirangchi songni manderang neng•nikanirangko man•ani ja•man da•o chiring samba jolrango songdongenggipa manderangde a•a ruronganirangkoba chagrongna nange neng•nikanirangko man•skana nangtokenga.

Iani bidingo Dibrugarh-ni dolsa journalist-rang, Dibrugarh Press Club-ni bimingo, Tengakhat jolrangona re•ange songni manderango sing•sandie ra•angaha.

Ia jolrangona Dibrugarh-ni journalist-rang, re•ange am•sandiarangko dakon, ia jolrango chi banani aro a•a ruronganirangko champengna sorkari ja•kurangko de•na miksongengachim indiba sorkarini kamrang ka•sinengani gimin songni manderang suk ong•niktokjaenga ine ma•sina man•aha.

Tengakhat jolrangara a•sal gnanggipa biap ong•e pangna bilsian dingtang dingtang mi-misi aro me•su samjakrangko bang•en man•rongachim indiba da•o a•arang rurongani a•sel songni manderang ta•raken an•tangtangni a•sal gnanggipa biaprangko gimaatskana nangengaha.

Iandake a•a ruronganirangko champengna sorkarini kam ka•ani ka•sinengani gimin songni manderang da•o an•tangtangan Buri Dehing chiringni samba jolrango a•a ruronganirangko champengna ja•kurangko de•chakatskaengaha.

Ia chiringo a•a ruronganirangko champengna gita songni manderang da•o wa•arangchi guarerangko rikna a•bachengaha aro ia kamrangni chu•sokanirangkoba nikna man•engaha. Uandaken songni manderang, ia jolrango ta•raken anti-erosion scheme-rangko ra•gatchina aro songni manderangna rang•speaniko on•china gita sorkariko didiangskaaha.

Na·simang ia video-koba nina man·gen:

Na·simang iakoba poraina man·gen: Bilsi 16 ong•gipa me•chik bi•sako jinma til•ekgrimanio jak donggipa sak 5 manderangko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Assam-ni Tengakhat jolo chi bananichi aro a•a ruronganichi neng•nikaniko man•enga appeared first on Hub News.