Shillong songjinmani manderang Christmas salna tarisamsoa

Shillong, Dec 20: Christmas ba Jisu Kristo-ni atchiani sal-na katchabee nisengsoengon, Shillong songjinmani dingtang biaprangko nitogipa light-rang baksana Christmas-ni somoio nitoatna jakkalgipa dingtang dingtang bosturangchi nitoatanirangko dakangaha.

Sorkarini office-rango, nokrango aro pilak dokkanrangon rasong chabee Christmas-ni askirangko kadeanirangko nikna gita man•aha. Iani gisepon, All Saints Church aro Laitumkhrah-o donggipa Cathedral-ko bibalrang baksana, Jisu Kristo-ni atchianiko gisik ra•ani gita Bethlehem-rangko tariaha aro  gilja noko Christmas-ni gitrangan gapchipenba manderangni gisiko ia salna katchasoaniko ra•badapaha.

Christmas ong•na sal 5 dongengon, December jani 25 tariko gital chola ba•ra ganna gita gital ba•ra kancha ra•na nokantini manderangkon bazaar re•ruraanirangko nikna gita man•engaha.

Khyndailad-o manderang bang•tingenba ru•uta somoirangna garirang jachange dongna nangan baksana gari donna gita biaprangkon man•pilrongjachim. Indake ong•genchimoba, ian Christmas salna nisengsoanio katchaani aro an•saoaniko baridapata gita ong•pilaia.

Christmas inon darangan Christmas cake-gri chu•ongnikrongja aro indake Christmas sokahaon cake-rangko ra•na gita cake palgipa dokkan mikkango riting riting bakroe chadenganirangko nikna gita man•a.

Christmas-na koros ka•anirang Khyndailad aro Police Bazaar-na agreba, Iewdew-oba sak hajalni hajal koros ka•giparangko nikna gita man•a. Jolo man•ronggipa Syiar Khasi, Tungrymbai, Putharo aro Pudoh-an ia somoio bon•batgipa cha•anirang ong•a. Khyndailad-o chasong gitalni cha•anirangko man•genchimoba, bang•a manderangan Iewduh-o jolo man•gipa cha•anirangko namnikgiparang gnang.

Meghalaya-o mongsongbate Shillong songjinmao, Christmas ian Christian-rangni manianina batpilgipa maniani mingsa ong•a, jeon pilak bebe ra•giparang jekai Hindu, Muslim, Parsi, Jain aro Sikh bebe ra•giparangba songjinmao ku•cholsan ong•anio aro ka•saani kario kusi ong•e bakrimtoka.

Na·simang ia video-koba nina man·gen:

Na·simang iakoba poraina man·gen: Jingjengatgipa dolrang Assam Governor House-ona napdraa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Shillong songjinmani manderang Christmas salna tarisamsoa appeared first on Hub News.