Tura Youth League-ni final-ko Chipakkore FC aro Rongkhon Sporting dolni gisepo kal•gen

Tura, Dec 16: District Football Association (DFA)-ni ong•atgipa under-18 Tura Youth League-ni robol kal•susaanio, Chipakkore FC aro Rongkhon Sporting dolgnian, semi final kal•susaanirango chegipa ong•e da•o December-ni 18 tariko, Chandmari Football Turf-o ong•atna sienggipa final ba bon•kamgipa kal•susaanio, dolgni kal•angskagnok.

Ia Tura Youth League-ko bilsi 18-ni ning•o ong•enggipa chadamberangna ong•atahachim aro ia tournament-o, dingtang dingtang biaprangoni gimik dolchet robol kal•giparang bak ra•angaha.

Semi final kal•susaanirangko Sombar salo, ia apsan Chandmari robol kal•chakramon ong•ataha aro uandaken skanggipa semi final-o Chipakkore FC, West Balalgre Club baksa kal•e, West Balalgre Club-ko goal 6-1-chi amchepataha.

Gnigipa semi final-o Rongkhon Sporting, Danakgre YSCA baksa kal•susaangskaaha aro ia kal•anio dolgnian goal-prak chipe biltinggrikani ja•man, penalty dokgrikon, Rongkhon Sporting goal-dokko aro Danakgre YSCA, goal 5-ko chipe, Rongkhon Sporting chegipa ong•aha.

Ia semi final kal•susaanirango chegipa ong•ahani gimin December-ni 18 tariko Chandmari robol kal•chakramo ong•atna sienggipa final match ba bon•kamgipa kal•susaanio Chipakkore FC, Rongkhon Sporting baksa kal•angskagnok.

Na·simang ia video-koba nina man·gen:

Na·simang iakoba poraina man·gen: Tabla dokanio mingsinggipa Zakir Hussain a•gilsakko watanga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Tura Youth League-ni final-ko Chipakkore FC aro Rongkhon Sporting dolni gisepo kal•gen appeared first on Hub News.