State prez Rikman Momin-ni dilaniko M’laya BJP nangnikkua

Shillong, Jan 20: Meghalaya a•doko Bharatiya Janata Party (BJP)-ko state president ong•e dilenggipa Rikman G Momin-ni kamrango chu•ongnikaniko mesokenba, una da•o term-sa on•daptaina BJP-ni dilgiparang tik ka•angaha.

Iani bidingo talataniko on•angengon, adita salrangni gisepon Autonomous District Council (ADC)-ni election-ko ong•atengani gimin aro Lok Sabha election-ba sepangengahani gimin kamrangko ka•dilna gita state president Rikman G Momin-o ka•donge gital term-ko una on•dapna tik ka•aha ine BJP-ni dilgiparang parakataha.

Batanggimin bilsirango Momin-ni state president ong•e BJP-ko re•dilanio ua, Meghalaya a•doko BJP-ko bilakbatatna man•aha aro party-ko dilenggiparangni gisepo ku•mong nangrimaniko ra•bana man•aha ineba BJP-ni dilgiparang parakataha.

Momin-ni dilanichi BJP-o bang•en membor-rangko rimdapna man•aha aro mikkangchiba bang•en gital membor-rang napna ka•dongenga ineba uamang parakataha.

Meghalaya a•doko BJP-ko name re•dilanichi, Prime Minister Narendra Modi sorkarini scheme-rangko nambate chu•sokatna man•angkugen ineba BJP-ni dilgiparang parakataha.

Na·simang ia video-koba nina man·gen:

Na·simang iakoba poraina man·gen: Assam-ni Teacher Eligibility Test-o jikgipani pal porikka sena re•baanina  mande saksako rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post State prez Rikman Momin-ni dilaniko M’laya BJP nangnikkua appeared first on Hub News.