Salgro salaram jolo chi gita re·a doani kolrang tang·dodapenga

Dibrugarh, Dec 15: India a·songni salgro salaram jolo chi gita re·a doani kolrang tang·dodapengahani gimin bading chiwalani, songre songgabatani aro Tourism-ni kamrangba namdapatako man·na siengaha.

India a·songni pilak biaprangon chi gita re·a doani kamrango dingtanganiko nikna man·engaha ine janapatengon, salgro salaram a·dokrango Jogighopa multi-modal terminal, Bogibeel passenger-cum-cargo terminal, Pandu Ship Repair Facility baksana Karimganj aro Badarpur terminal-rangko namdapatanichi manderangni re·ruraani aro bostu salruraaniko altubatatna dakchakani ong·gnok ine Union Ports, Shipping & Waterways Minister Sarbananda Sonowal parakataha.

2014 bilsionin chi gita re·a doani kolrangko namdapatna sorkari rakbee kamrangko ka·enga ine janapatengon, ua bilsirango India a·songo National Waterway-rang dambongasan dongaiachim indiba sorkarini rakbee kamrangko ka·anichi da·o iako dam 111-ona bariatna man·aha ine Sonowal aganaha.

1986 bilsioni 2014 bilsiona gong crore 1,620-kosan ia kamrangna koros ka·aiaha ine janapatskaengon, batanggimin bilsi 10-ni gisepon BJP-chi dilenggipa ma·mong sorkari, gong crore 6000-na baten koros ka·skaaha ine Union Minister parakataha.

Na·simang ia video-koba nina man·gen:

Na·simang iakoba poraina man·gen: Winter Tales Festival 2024-ko Shillong-o ong•ata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Salgro salaram jolo chi gita re·a doani kolrang tang·dodapenga appeared first on Hub News.