Dibrugarh a•jao chu•sokgipa chatro chatrirangna Assam CM, cycle aro scooty-rangko suala

Dibrugarh, Dec 23: Ia bilsini dingtang dingtang porikkarango name chu•sokanggipa Dibrugarh a•jani chatro chatrirangna Sombar salo, Assam-ni Chief Minister Himanta Biswa Sarma, bicycle aro scooty-rangko, dingtang dingtang scheme-ni ning•o boksis dake suale on•angaha.

Dibrugarh a•jao High School Leaving Certificate (HSLC) porikkako 75 percent ba una bate man•e pass ka•gipa sak 1255 chatro chatrirangna Anundoram Borooah Award Scheme-ni ning•o tangka paisarangko boksis dake on•angaha aro Higher Secondary porikkako name chu•sokanggipa chatro chatrirangnaba Pragyan Bharti Scheme-ni ning•o Dr Banikanta Kakati Merit Award-ni bak gita bol 2593 scooty-rangko suale on•angaha.

Sorkari aro provincialized skulni Class IX-o poraienggipa chatro chatrirangnaba, Chief Minister’s Special Scheme-ni ning•o bol 10,270 bicycle-rangko suale on•angaha.

Ia program-ko ong•atanio, Assam a•dokni Chief Minister Himanta Biswa Sarma, jinmana aganprakengon, mikkangchiba chatro chatrirangko nambata gadangrango pass ka•china didina gita ia boksisrangko name chu•sokgipa chatro chatrirangna on•aha ine parakataha.

2015 bilsio Assam-o BJP sorkariko rikchengaoni uamang, chatro chatrirangna aro me•chikrangna dingtang dingtang scheme-rangko ra•gate on•aha ineba Sarma aganaha.

A•song gimikni GDP-o Assam a•dok 17-gipa gadango ong•enga indiba chatro chatrirangna scheme-rangko on•aniode skanggipa ba gnigipa gadango ong•skaenga ine janapatengon, chatro chatrirangna Assam sorkari, text book aro uniform-rangkoba indin on•enga ine Sarma aganaha.

Na·simang ia video-koba nina man·gen:

Na·simang iakoba poraina man·gen: UGACMC Nishangram-o tom•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Dibrugarh a•jao chu•sokgipa chatro chatrirangna Assam CM, cycle aro scooty-rangko suala appeared first on Hub News.