Byrnihat-o KSP dolko jingjengatna on•jawa ine Ri-Bhoi a•jani authority parakata

Nongpoh, Dec 23: Ri-Bhoi a•jani authority aro Superintendent of Police, Kutumba Surakshya Parishad Hindu dolni gita December 24 tariko Ri-Bhoi a•jani Byrnihat aro Khanapara-o jingjengatna miksongenganiko chu•sokatna on•jawa ine Sombar salo parakataha.

Batanggimin salo, KSP Hindu dol, Mawsynram-o donggipa Mawjymbuin Cave ba rong•kolo Hindu jatrangni olakkianiko dakna champengenganina, Ri-Bhoi a•jani Byrnihat aro Khanapara-o jingjengatanggen ine Meghalaya a•dokni kosako ka•mikkenataha.

Indake uamangni dabianiko knachakjagenchimode Skotong Minister-ni dilenggipa sorkarini kosako dal•a jingjengataniko dakgen ineba mikrakataniko uamang on•angaha.

Indake iani gisepon, Ri-Bhoi a•jani Deputy Commissioner, Abhilash Baranwal aro Superintendent of Police, V. S. Rathore, ia Christmas-ko maniani somoio iandakgipa obostarangko ong•atna on•jawa aro man•a dipet a•jao tom•tomaniko ra•bana jotton ka•anggen ine ka•donganiko on•angskaaha.

Iako dakengon, uamang Kamrup Metro a•jani authority aro police dolrang baksa bakrimenga aro Assam-Meghalaya a•dokrangni sima ari jolo jinma tom•e jingjengataniko aro iandakgipa obostarangko niam gita champengsogen ineba uamang janapataha.

Na·simang ia video-koba nina man·gen:

Na·simang iakoba poraina man·gen: Dibrugarh a•jao chu•sokgipa chatro chatrirangna Assam CM, cycle aro scooty-rangko suala

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Byrnihat-o KSP dolko jingjengatna on•jawa ine Ri-Bhoi a•jani authority parakata appeared first on Hub News.