Assam-ni Health aro Irrigation Minister, Bengaluru-o Investors’ Roadshow-ko ong•atanga

Guwahati, Jan 21: Assam-ni Health aro Irrigation Minister Ashok Singhal, Advantage Assam 2.0 Investment and Infrastructure Summit 2025-ko Guwahati-o January jani 25 aro 26 tariko ong•atna sienggipana tarisamsoani gita namen niksenggipa manderangna Investors Roadshow-ko Bengaluru-ni Hotel ITC Gardenia-o ong•atangaha.

Singhal, sak 200-na batpile investor-rang, bading chiwalaniko dilgiparang aro niam tarigiparang baksa, Assam a•dok ian India a•songko Asia-ni Salgipeng aro Salgipeng Salaram baksa nangdimatna gita mongsonggipa biap ong•a ine aganenba agangolpogrikanirangko dakangan baksana, a•gilsak gimikni 30% mangni gita jelbra jelsrugipa biaprangona sokangna gita sildorengo konta 3 ba konta 4-rangsan nangaia ineba agandapangkuaha.

2013-14 bilsirango, Assam-ni GSDP $29 billion-oni 2023-24 bilsio $68.7 billion-ona tangdodapaha aro re•baenggipa bilsirangode $85.8 billion-ona sokdona ka•dongsoenga, ineba Singhal janapataha. Iana agreba, ua mongsonggipa project-rang jekai Jogighopa-o India-ni skanggipa International Multi-Modal Logistics Park, Dhubri-Phulbari Bridge, Kror 27,000-ni Tata OSAT’s semiconductor project aro Kaziranga National Park-o kosak gita rama tariani bidingoba janapangaha.

Green hydrogen, electronic-rang, aerospace, defence, IT aro food processing ba cha•ani ringani tarianirango namdaproroani bidingo agane ian koros on•agiparangna nambatgipa baseani ba seokani ong•a ineba Minister aganangaha. February jani 24 tariko, India-ni Prime Minister Narendra Modi-ni Summit-ko a•bachengate on•a skang, cultural event-ko ong•atanggen ine parakataha, jeon sak 8,000 chadamberang apsan re•baenba jatni Jhumur dance ba chrok mesaaniko dakanggen

Industry-ni bidingo name u•i ma•sigipa manderang jekai, K. Ullas Kamath, Dr. P. Ashok Babu aro Nitin Basant, Assam-o koros ka•ani cholrang, namgnirang aro bading chiwalgiparangko dakna nambegipa biap ong•aniko u•iate on•angaha. Company-rang jekai Shashi Exports, Apollo Hospitals aro Teva Pharmaceutical-rang B2G tom•bimonganirango apsan kam ka•na gisiko nangbeanirangko mesokangaha.

Na·simang ia video-koba nina man·gen:

Na·simang iakoba poraina man·gen: Mawphlang Sacred Grove-o Tourism Centre-ko rikna cr 25-ko chamata: CM

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub

The post Assam-ni Health aro Irrigation Minister, Bengaluru-o Investors’ Roadshow-ko ong•atanga appeared first on Hub News.